Xarici işlər naziri Elmar Məmmədyarov Səudiyyə Ərəbistanın Krallığının Diplomatik Akademiyasının rəhbəri, Abdulkərim al Daxayelini qəbul edib.
XİN-in mətbuat xidmətindən SİA-ya verilən xəbərə görə, Azərbaycanda səfərdə olmasında məmnunluq duyduğunu qeyd edən qonaq, ölkənin böyük inkişaf potensialının əyani şahidi olduğunu söyləyib. Rəhbərlik etdiyi Diplomatik Akademiyanın işindən məlumat verən Abdulkərim al Daxayel, AR XİN-in Diplomatik Akademiyası ilə sıx əlaqələrin yaradıldığını və bir sıra istiqamətlər üzrə birgə əməkdaşlıq planlarının mövcudluğunu vurğulayıb.
Öz növbəsində səudiyyəli qonağı salamlayan nazir E.Məmmədyarov, ölkələr arasında münasibətlərin yüksək səviyyədə olduğunu qeyd edərək, əlaqələrin o cümlədən təhsil, xüsusən də peşəkar diplomatların hazırlanması sahəsində inkişaf etdirilməsi zəruriliyindən danışıb.
Bütün xəbərlər Facebook səhifəmizdə
USD
EUR
GBP
RUB