"Prezident yalnız elmi tədqiqatların əhəmiyyətini vurğulamaqla kifayətlənmədi" - POLİTOLOQ ŞƏRH ETDİ
"Azərbaycan Milli Elmlər Akademiyasının 80 illik yubileyində Prezidentin çıxışı ölkəmizdə elmin inkişafına verilən prioritetlərin göstəricisi olaraq diqqəti çəkdi. Dövlət başçısı çıxışında yalnız elmi tədqiqatların əhəmiyyətini vurğulamaqla kifayətlənmədi, eyni zamanda elmin milli inkişaf, innovasiya və strateji qərarların qəbulunda oynadığı rolu açıq şəkildə göstərdi". Bu sözləri SİA-ya açıqlamasında politoloq Rəşad Bayramov deyib.
Onun sözlərinə görə, Prezidentin nitqində xüsusilə vurğulanan məsələlərdən biri elm və texnologiyanın dövlət siyasətində prioritet sahə kimi tanınması oldu. Bu, həm AMEA-nın gələcək fəaliyyətində, həm də ölkənin strateji sahələrdə - enerji, informasiya texnologiyaları, təhsil və iqtisadiyyat - elmi biliklərdən səmərəli istifadə etməsinə böyük təkan verəcək: "Dövlət başçısının çıxışı, eyni zamanda, gənc tədqiqatçıların, innovatorların və alimlərin maarifləndirilməsi, onların potensialının ölkənin inkişafına yönləndirilməsi baxımından da önəmlidir. Azərbaycan elm siyasətini strateji alət kimi istifadə etməyə davam edir. Akademiyanın 80 illik fəaliyyəti fonunda dövlət başçısının vurğuladığı istiqamətlər göstərir ki, elmi potensial təkcə akademik müstəvidə deyil, həm də milli inkişafın, iqtisadi güclənmənin və beynəlxalq nüfuzun artırılmasında mühüm rol oynayır.
Prezidentin çıxışında həmçinin elmin beynəlxalq əməkdaşlıq imkanlarının genişləndirilməsi, dünya təcrübəsinin ölkəmizə transferi və yerli tədqiqatçıların qlobal elmi müstəvidə iştirakının artırılması məsələləri ön plana çıxarıldı. Bu, Azərbaycanın elmi tərəqqisini sürətləndirəcək, həmçinin strateji qərarların daha məlumatlı və effektiv şəkildə qəbul edilməsinə şərait yaradacaq. Prezidentin AMEA-nın 80 illik yubileyindəki çıxışı həm elm siyasətinin gələcək inkişaf istiqamətlərini, həm də Azərbaycanın milli inkişaf strategiyası ilə elmi fəaliyyətin sintezini nümayiş etdirir. Bu çıxış, elmin dövlət siyasətindəki mövqeyinin gücləndirilməsi və strateji prioritetlərin həyata keçirilməsi baxımından çox mühüm addımdır".
Bütün xəbərlər Facebook səhifəmizdə
.jpg "Qatarlar Ermənistana gedir - Sarkisyan \"bunt\" qaldırdı")
.png "Bakıda “Fərqliliyin rəngi” adlı festival keçirilib")
.jpg)
USD
EUR
GBP
RUB
