Noyabrın 4-də Türk Dövlətləri Təşkilatının (TDT) Ağsaqqallar Şurasının üzvləri Ulu Öndər Heydər Əliyevin məzarını və Şəhidlər xiyabanını ziyarət ediblər. SİA xəbər verir ki, əvvəlcə Fəxri xiyabana gələn qonaqlar müasir müstəqil Azərbaycan dövlətinin qurucusu, Ulu Öndər Heydər Əliyevin xatirəsi ehtiramla yad olunub, məzarı önünə əklil və gül dəstələri qoyulub.
Görkəmli oftalmoloq-alim akademik Zərifə Əliyevanın da əziz xatirəsi anılıb, məzarı üzərinə tər güllər düzülüb.
Daha sonra Şəhidlər xiyabanı ziyarət olunub. Azərbaycanın azadlığı və müstəqilliyi uğrunda mübarizədə canlarını fəda etmiş qəhrəman Vətən övladlarının xatirəsi ehtiramla anılıb, məzarları üzərinə tər güllər düzülüb. Həmçinin “Əbədi məşəl” abidəsinin önünə əklil qoyulub.
Səfər çərçivəsində “Türk şəhidliyi” abidəsi də ziyarət edilib. Azərbaycanın istiqlaliyyəti uğrunda mübarizədə şəhid olan və Azərbaycan-Türkiyə qardaşlığının əbədiliyini simvolizə edən türk əsgərlərinin xatirəsi dərin ehtiramla yad olunub, abidənin önünə əklil və gül dəstələri düzülüb.
Bütün xəbərlər Facebook səhifəmizdə
.jpg "Ailə sirləri tv və internetdə: vəziyyət dəhşətlidir...")
USD
EUR
GBP
RUB