ABŞ-ın keçmiş prezidenti Barak Obama Baydenin prezidentlik yarışından geri çəkilməsinin əsas təşəbbüskarlarından biri olub. Lakin o, Kəmalə Harrisin boşalmış yeri dolduracağını gözləmirdi. Onun səriştəsizliyi və məsuliyyətsizliyi daim Demokratlar üçün böyük problem yaradıb. Amma Co Baydenin gözlənilmədən seçki kampaniyasından geri çəkilməsi və dərhal vitse-prezident Kamala Harrisi irəli verməsi, o cümlədən Demokratlar Partiyasının elitasında təmsil olunanların əksəriyyətinin tələsik Harrisin ətrafında toplaşması Obamada şok effekti yaradıb.
Bayden ailəsinə yaxın mənbə New York Post-a deyib ki, Obama bundan çox üzülüb, çünki Harrisin qalib gələ bilməyəcəyini dəqiq bilir. “Obama Kamalanın səriştəsiz olduğunu bilir. O, heç vaxt sərhəddə olmamış sərhəd məmuru təsiri bağışlayır. O deyir ki, bütün miqrantların tibbi sığortası olmalıdır", deyə eks-prezident deyib.
81 yaşlı Bayden üçün dönüş nöqtəsi, iyul ayında Atlantada Trampla televiziya debatındakı fəlakətli çıxışından sonra olub. New York Post onu yarışdan kənarlaşdırmaq üçün "mürəkkəb hiylə" olduğunu müəyyən edib. Lakin Baydenə yaxın bir mənbə deyib ki, Tramp və Harris arasında teledebata çox ümid bəsləmir. Bayden hələ yarışda ikən ikinci debat sentyabrın 10-na təyin edilmişdi. "Biz debatı gözləyəcəyik. O, debat etməyi bilmir. O, İsrail, Fələstin, Ukrayna haqqında boş-boş danışacaq. Sözsüz ki, axmaq nəsə deyəcək", - mənbə bildirib.
Mənbə bildirib ki, Obama Baydeni yoldan çıxarmağa ümid edirdi. Bu məqsədlə Corc Kluni “New York Times” qəzetinə məqalə yazıb və Baydendən istefa verməsini xahiş edib. Bununla belə, Demokratlar Partiyasının rəhbərliyi Baydenin Harrisin namizədliyini dərhal təsdiqləyəcəyini və dəstəkləyəcəyini gözləmirdi və Obama bu barədə məlumat aldıqdan sonra “şoka düşüb”, məsələ ilə tanış olan şəxs bildirib.
Obama çərşənbə günü açıqlamasında deyib ki, Bayden getdikdən sonra o, Arizona senatoru və keçmiş astronavt Mark Kellini yarışa məsul təyin etmək və avqustda keçiriləcək Demokratik Milli Konvensiyada onun namizədliyini irəli sürmək istəyirdi. "Obama qəzəblidir: işlər onun istədiyi kimi getmədi və buna görə də o, Demokratik Partiyanın digər üzvlərindən fərqli olaraq Harrisi dəstəkləmədi", Baydenə yaxın mənbə deyib.
Başqa bir məlumatlı demokrat mənbə deyib ki, Obamanın bu ağıllı siyasət qərarından təəccüblənməsi başa düşüləndir, çünki o, siyasətə öz yaxın maraqlarından kənarda baxa bilmir: "Obama həmişə özünü ən ağıllı və ən havalı hesab edirdi. Axı o, Corc Kluni ilə dostdur".
Çərşənbə axşamı günü Wall Street Journal məqaləsində Obamanı "demokratiya üçün təhlükə" adlandıran nüfuzdan düşmüş keçmiş İllinoys qubernatoru Rod Blaqojeviç deyib ki, Baydenin yarışdan kənarlaşdırılmasında keçmiş prezidentin "əli var ". Keçmiş demokrat və indi Trampın tərəfdarı olan Blaqojeviç 2005-ci ildə Obama bu ştatdan senator olanda İllinoys ştatının qubernatoru vəzifəsində çalışıb.
"Obama olmasaydı, Bayden hələ də Demokratların namizədi olacaqdı. Obama, Baydeni seçkidən çəkilməyə inandıran orkestrə rəhbərlik edən dirijor oldu”.
Obama 2008-ci ildə prezident seçilərkən İllinoys ştatından senator vəzifəsini tərk edib. Blaqojeviç isə 2009-cu ildə Obamanın Senatdakı boş oturacağını satmağa cəhd etdiyi üçün impiçment elan edilib. O, vəzifəsindən uzaqlaşdırıldı və bir il sonra korrupsiya ittihamı ilə məhkum edildi. 2016-cı ildə Obama Baydeni prezidentliyə namizəd olmamağa inandırmışdı ki, Hillari Klinton Ağ Ev uğrunda yarışa bilsin. Bu da onların arasında maneəyə çevrilib. Bayden sonra deyəcəkdi ki, "Obama məni dəstəkləmədi". Amma Bayden anlamaq istəmədi ki, əgər Hillari Klinton seçkilərdə iştirak etsəydi Trampın qələbəsi mümkün olmayacaqdı. Bayden və ətrafı Obamaya qulaq asmadılar və bu gün Demokratların namizədi ikinci seçimə getməkdə ciddi problem yaşayır.
SƏBİNƏ
Bütün xəbərlər Facebook səhifəmizdə