“Mayasında xəyanət, satqınlıq olan bir milləti düz yola vadar etmək, çirkin əməllərindən çəkindirmək çox çətindir. Ermənilərin timsalında tarix bunu sübut etmişdir. Dünyanın bir çox mütəfəkkirləri, siyasətçiləri ermənilərin oğru, həqiqətən də dönük, yalançı, xəyanətkar, zalım olduqlarını dönə-dönə dilə gətirmiş, onların nadanlığını, şərəfsizliyini, dosta arxadan zərbə vurduqlarını göstərmişlər.” Bu sözləri SİA-ya verdiyi açıqlamasında Milli Məclisin Aqrar Siyasət Komitəsinin sədri, millət vəkili Tahir Rzayev deyib.
Komitə sədri vurğulayıb ki, Azərbaycanlılar, türklər də bu xəyanətlərin ağrılarını zaman-zaman yaşamışlar və bu gün də həmin xəyanətkarlarla üz-üzədirlər.
“Ermənilər bir əsrdən çoxdur ki, qondarma erməni soyqırımı ilə Türkiyəni mühakimə etməkdədilər. Halbuki onlar keçən əsrin əvvəllərində türk xalqına qarşı xəyanət yolunu tutmuş, soyqırım törətmişlər. Tarixi torpaqlarımızda özlərinə dövlət yaratmış, azərbaycanlıların başına isə uzun illər müsibətlər gətirmiş 30 il torpaqlarını işğal altında saxlayaraq, şəhər və kəndlərini, mədəni, dini, tarixi abidələrini tamamilə məhv etmişlər. Qoynunda qonaq kimi yer verdiyi, süfrəsinin başında oturdulan ermənilərdən illər boyu xəyanət görən, təcavüzə məruz qalan azərbaycanlıların çəkdikləri əzab-əziyyətlər hesabagəlməzdir.
Nəinki Azərbaycan, ermənilərə dövlət quran, onları daimi himayə edən, qoruyan, yedizdirən, qayğılarını çəkən Rusiya da bu gün erməni xəyanətinin burulğanındadır. Öz ağalarını düşmən, dönük gözündə görən ermənilər ruslara qarşı ən çirkin əməllər törədir ki, bu da ən böyük xəyanətdir. Paşinyan hakimiyyəti anti-Rusiya təbliğatını gücləndirməklə Rusiyanı Cənubi Qafqazdan uzaqlaşdırmaq, Qərbi regiona gətirmək siyasətini davam etdirməkdədir. Ermənistan onu bəsləyən Rusiyaya açıq-aydın xəyanət yolunu tutub və ruslara meydan oxumaqdadır. İş o yerə satmışdır ki, bu günlərdə Ermənistan Konstitusiya Məhkəməsi Beynəlxalq Cinayət Məhkəməsinin Rusiya Prezidenti Vladimir Putinin həbsi barədə qərarını konstitusiyaya uyğun hesab etmiş, bununla da Putinin Ermənistana səfərinin qarşısına sədd çəkmişdir. Ermənistanın Beynəlxalq Cinayət Məhkəməsinin qərarını tanıması Rusiyaya ən böyük xəyanətdir və Putinə ən böyük hörmətsizlik olmaqla, ruslara nifrət, etimadsızlıq və dönüklükdür.
Paşinyan Putini satmaqla kəskin nifrətini ifadə edib və bir daha Qərbin etimadını qazanmaq fikrindədir. Əlbəttə bu fikir, təşəbbüs Rusiyanın maraqlarına, mənafeyinə tamamilə ziddir və gələcək üçün yaxşı heç nə vəd etmir. Rusiya hakimiyyəti Ermənistanın hərəkətlərinə göz yummaqla, ciddi əhəmiyyət verməməklə Cənubi Qafqazda dayaqlarını itirməkdə, ən əsası isə nüfuzdan düşməkdədir. Bu isə bir dövlətin çökməsidir, uğursuzluğudur. Xəyanətin cavabı mütləq verilməlidir, dönük cəzalandırılmalıdır. Bu qədər səbr etmək, arxadan sancılan xəncərin ağrılarına dözmək xəyanətkara imkan yaratmaq, siyasətdə uduzmaq, itirməkdir. Rusiya hadisələri, gedişləri, xəyanətləri obyektiv qiymətləndirməlidir”, deyə Tahir Rzayev bildirib.
Bütün xəbərlər Facebook səhifəmizdə
USD
EUR
GBP
RUB