Pessimist düşüncəli insanlar daha çox yaşayırlar. SİA xarici mətbuata istinadən xəbər verir ki, Alman Erlangen-Nürnberq Universiteti, Alman İqtisadi Araşdırmalar İnstitutu, Berlin Humboldt Universiteti və Zurich Universitetinin alimləri bu çaşdırıcı nəticəyə gəliblər. Elm adamları qeyd ediblər ki, yüksək optimist düşüncəyə sahib olanlarsa tez xəstələnirlər və onların ölüm riskləri daha çoxdur.
Alimlər 1993 ildən 2003 ilə qədər 350 insan arasında araşdırma aparıblar. Anketdə iştirak edənlərin bir qismindən hər il həyatlarından nə qədər məmnun olduqlarını və beş il ərzində nə qədər məmnun olacaqlarına inandıqları soruşublar və onların optimist olduqları məlum olub. Araşdırmaçılar daha sonra anket iştirakçılarının dediklərinin həqiqəti əks etdirmədiyinin şahidi olublar. Beləki, bir müddət sonra həyatlarından məmnun olduqlarını deyənlər fiziki şikayətlərlə həkimə müraciət ediblər. Həkimlər isə bildiriblər ki, onların ölüm riski digər insalara nisbətən 10 faiz artıb.
Elm adamlarını çaşdıran nəticə isə daha öncə anket araşdırması zamanı pessimist olduqlarını bildirənlərin heç bir fiziki şikayətlərinin olmamasıdır. Araşdırmaçı Lang Lou bu insanların daha yaxşı bir gələcəyə ümid etməkdənsə var olan statuslarını qorumağa çalışdıqlarını bildirib.
Bütün xəbərlər Facebook səhifəmizdə
USD
EUR
GBP
RUB