Kopenhagendə atışma nəticəsində bir neçə nəfər ölüb

Kopenhagendə ticarət mərkəzində baş verən atışma nəticəsində bir neçə nəfər ölüb, polis hadisənin terror hücumu olduğunu istisna etmir.

SİA AZƏRTAC-a istinadən xəbər verir ki, Kopenhagenin Erestad rayonunda yerləşən Field's ticarət mərkəzində baş verən atışma nəticəsində bir neçə nəfər ölüb. Hazırda hadisə yerində genişmiqyaslı polis əməliyyatı davam edir.

Kopenhagen polisinin yaydığı məlumata əsasən, hadisəni törətməkdə şübhəli bilinən 22 yaşlı şəxs saxlanılıb, onun etnik danimarkalı olduğu bildirilir.

Danimarka polisinin sözçüsü, baş verənlərin terror hücumu olmasını istinad etmədiyini deyib. Bununla yanaşı, atışmanın motivi və həbs edilən şəxsdən başqa cinayətkarın olub-olmaması hazırda bəlli deyil. Baş vermiş atışma ilə bağlı istintaq davam edir.

Bütün xəbərlər Facebook səhifəmizdə

loading...