Hacıqabul sakininin üzərindən narkotik maddə və odlu silah aşkarlanıb. DİN-in Mətbuat Xidmətinin Şirvan şəhərində regional qrupundan SİA-ya verilən məlumata görə, Hacıqabul Rayon Polis Şöbəsinin əməkdaşlarının tərəfindən keçirilən əməliyyat-axtarış tədbirləri nəticəsində rayon ərazisində narkotik maddələrin qanunsuz dövriyyəsində şübhəli bilinən İlham Ələkbərov saxlanılıb.
İ.Ələkbərovun üzərində şəxsi axtarış aparılan zaman ondan kağız bükümdə narkotik maddə olan tiryək və bir ədəd lüləsi və qundağı kəsilmiş odlu silah aşkar edilərək götürülüb.
Faktla bağlı Hacıqabul RPŞ-də cinayət işi açılıb.
Qeyd edək ki, həmin silahın hər hansı bir cinayət hadisəsində istifadə edilib-edilməməsi araşdırılır.
Bütün xəbərlər Facebook səhifəmizdə
USD
EUR
GBP
RUB