Ötən gecə saat 23:00 radələrində Hacıqabulda güllələnmə hadisəsi baş verib. SİA-nın Aran bürosunun verdiyi məlumata görə, Hacıqabul rayon sakini 1975-ci il təvəllüdlü Bayramov Anar Oqtay oğlu qonşusu 1987-ci il təvəllüdlü Əliyev Ramil Rəhim oğlunu qısqanclıq zəminində tapança ilə güllələyib. Hadisə hər iki şəxsin yaşadığı Xətai küçəsində baş verib.
Hadisə yerinə gələn Hacıqabul rayon hüquq-mühafizə orqanları müayinə zamanı müəyyən ediblər ki, A.Bayramovun açdığı atəşdən "VAZ2106"markalı maşında olan R.Əliyevə güllə dəyib. Cinayəti törədən şəxs qaçsada polislər onu 2 saatdan sonra yaxalaya biliblər. Yaralı isə Hacıqabul xəstəxanasına yerləşdirilib.
Xəstəxananın cərrahiyyə şöbəsinin müdiri Hacı Həmidov bildirib ki, yaralının bədənində 3 güllə yarası aşkar olunub. Güllələr R.Əliyevin boyun nahiyəsinin sağ yan hissəsinə, döş qəfəsinə və sağ qoluna dəyib. Xəstənin vəziyyəti orta ağır qiymətləndirilir. Faktla bağlı Hacıqabul rayon prokurorluğunda cinayət işi başlanılıb.
Bütün xəbərlər Facebook səhifəmizdə
USD
EUR
GBP
RUB