İxrac prosedurlarına dair onlayn təlim keçirilib

İqtisadiyyat Nazirliyinin dəstəyi, Kiçik və Orta Biznesin İnkişafı Agentliyinin (KOBİA) və Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə sahibkarlıq subyektləri üçün “Malların daxildə emal xüsusi gömrük proseduru ilə rəqabətqabiliyyətli ixrac imkanları” mövzusunda onlayn təlim keçirilib. SİA-nın xəbərinə görə, 60-dan çox xarici ticarət fəaliyyəti iştirakçısı olan KOB subyektinin iştirakı ilə keçirilmiş onlayn təlimdə İqtisadiyyat Nazirliyinin və Dövlət Gömrük Komitəsinin nümayəndələri Azərbaycan Respublikasının ticarət qanunvericiliyi, malların daxildə emal xüsusi gömrük proseduru ilə yerləşdirilməsi və müvafiq icazənin verilməsi, hüquqların və öhdəliklərin digər şəxslərə verilməsi qaydaları, idxal-ixrac əməliyyatları zamanı tətbiq olunan vergi və gömrük güzəştləri, bir sıra inkişaf etmiş ölkələr tərəfindən təqdim olunan ümumiləşdirimiş preferensiyalar sistemi (GSP) haqqında məlumat verilib, sahibkarları maraqlandıran suallar cavablandırılıb.

Müəllif: Gülyana

Bütün xəbərlər Facebook səhifəmizdə

loading...