Bu il baş verən yanğınlarda 23 nəfər həlak olub

2020-ci ilin I yarımilliyi ərzində respublika ərazisində 8 124 yanğın hadisəsi baş verib. SİA-nın məlumatına görə, baş vermiş yanğınlar nəticəsində 23 nəfər həlak olub.

61 nəfər isə müxtəlif yanıq xəsarətləri alıb. 11 əfər isə yanğından xilas edilib. Baş vermiş yanğın hadisələrinə görə 294 nəfər təxliyə olunub.

Fövqəladə Hallar Nazirliyindən verilən məlumata görə, ümumilikdə 2020-ci ilin I yarımilliyi ərzində respublika ərazisində 8 274 təbii və texnogen mənşəli hadisə baş vermişdir ki, bu da 2019-cu ilin I yarımilliyi ilə müqayisədə 1133 hadisə və ya 16% çoxdur. Baş vermiş təbii və texnogen mənşəli hadisələr nəticəsində 28 nəfər həlak olmuş, 107 nəfər xəsarət almışdır. Nazirliyin xilasediciləri tərəfindən 13 nəfər xilas edilmiş, 299 nəfər təxliyə olunmuşdur.

Bütün xəbərlər Facebook səhifəmizdə

loading...