Respublika Baş Dövlət Yol Polisi İdarəsi Bakı-Quba yolunda baş vermiş ağır yol qəzası ilə bağlı məlumat açıqlayıb. SİA-nın qurumun saytına istinadən verdiyi məlumata görə, aprelin 24-də saat 23:00 radələrində Bakı-Quba-Dağıstan sərhədi yolunun Sumqayıt rayonu ərazisindən keçən 42,8-ci kilometrliyində, 1981-ci il təvəllüdlü Sumqayıt şəhər sakini Sultanov Əfqan Firudin oğlunun idarə etdiyi "VAZ-21120" markalı, 10-MO-114 dövlət qeydiyyat nişanlı avtomobil, 1980-ci il təvəllüdlü Xaçmaz şəhər sakini Şeydayev Elşən Rafiq oğlunun idarə etdiyi "Mercedes" markalı, 90-EK-712 dövlət qeydiyyat nişanlı avtomobillə toqquşub.
Nəticədə "VAZ-21120" markalı avtomobilin sürücüsü Ə. Sultanov və sərnişinləri, Sumqayıt şəhəri sakini, 1988-ci il təvəllüdlü, Əliyeva Aybəniz Şərafət qızı, Sumqayıt şəhər sakini, 1986-cı il təvəllüdlü Rəhimov Rafiq Mehdi oğlu hadisə yerində ölüb, digər sərnişinlər, Quba rayon sakini 1981-ci il təvəllüdlü Kərimov Rüfət Teymur oğlu, Bakı şəhər sakini 1979-cu il təvəllüdlü Nağıyeva Aytən Vaqif qızı, Siyəzən rayon sakini, 1988-ci il təvəllüdlü Rəhmanov Vasif Fazil oğlu, həmçinin "Mercedes" markalı avtomobilin sürücüsü və sərnişini 1985-ci il təvəllüdlü Şeydayev Raiq Rafiq oğlu müxtəlif bədən xəsarətləri ilə Sumqayıt Şəhər Təcili Yardım Xəstəxanasına yerləşdiriliblər.
Qeyd edək ki, "VAZ-210120" markalı avtomobildə olan şəxslərin hamısı toydan qayıdırmış. Qəza zamanı yeni ailə həyatı quran bəy və gəlin də maşında olub. Gəlin aldığı xəsarətdən yerindəcə dünyasını dəyişib.
Bütün xəbərlər Facebook səhifəmizdə
USD
EUR
GBP
RUB