Gəncə şəhərinin Aşıq Ələsgər adına 36 saylı orta məktəbində sinif otaqlarının birində qəza hadisəsi olub. SİA-nın bölgə müxbiri xəbər verir ki, hadisə bu gün saat 13.00 radələrində baş verib.
Belə ki, iki sinif arasındakı divar tamamilə uçaraq yerlə-yeksan olub. Xoşbəxtlikdən həmin vaxt sinifdə heç kəs olmayıb. Hadisə yerinə Fövqəladə Hallar Nazirliyinin Gəncə şəhər Yanğından Mühafizə İdarəsinin rəsmiləri və 4 yanğınsöndürən avtomobil cəlb olunub.
Qurumun rəsmisi Mehman Hacıyevin SİA-ya bildirdiyinə görə, sinifdə yanğın izləri də aşkar edilib.
Hadisənin səbəbləri araşdırılır.
Bütün xəbərlər Facebook səhifəmizdə
USD
EUR
GBP
RUB