Lənkəran şəhərində gecə saatlarında ərlə arvad öz evlərində naməlum şəxslərin təcavüzünə məruz qalıb. Lənkəran Rayon Mərkəzi Xəstəxanasından SİA-nın cənub bürosuna verilən məlumata görə, ötən gecə saat 02.00 radələrində 1960-ci il təvəllüdlü Yaşar Heybət oğlu Şərifovla, həyat yoldaşı 1961-ci il təvəllüdlü Aygün Əlihüseyn qızı Şərifova yaşadıqları Lənkəran şəhəri, A. Bağırov küçəsi, 34 ünvanında naməlum şəxslər tərəfindən döyülüblər.
Hər iki zərərçəkmiş başın çoxlu sayda kəsilmiş-deşilmiş yarası, alında, üz və boyunda hemotoma diaqnozu ilə xəstəxanaya yerləşdirilib. A.Şərifovaya müvafiq tibbi yardım göstərildikdən sonra ambulator müalicəyə buraxılıb. Y.Şərifovun vəziyyəti isə hazırda orta-ağır qiymətləndirilir.
Hadisənin hansı səbəbdən baş verdiyi hələlik məlum deyil. Faktla bağlı Lənkəran Şəhər Polis Şöbəsində artıq araşdırmalara başlandığı bildirilib.
Bütün xəbərlər Facebook səhifəmizdə
USD
EUR
GBP
RUB