Daxili İşlər Nazirliyi (DİN) Astarada iki nəfərin ölümü, doqquz nəfərin yaralanması ilə nəticələnən ağır yol qəzası haqda rəsmi məlumat yayıb. SİA-nın DİN-in rəsmi saytına istinadən xəbər verir ki, mayın 13-də saat 10 radələrində Astara rayonunun Çayoba kəndində Xaçmaz rayon sakini Vüsal Xudaverdiyevin idarə etdiyi "KamAZ" və Astara rayon sakini Qalib Əliyevin idarə etdiyi "Mercedes-Benz" markalı (mikroavtobus) avtomobillər toqquşub, hər iki avtomobil aşıb, V.Xudaverdiyev hadisə yerindən qaçıb.
Nəticədə Q.Əliyevin sərnişinlərindən rayon sakinləri Yeganə Əliyeva və Ramil Quliyev hadisə yerində ölüb, digər 9 sərnişini xəstəxanaya yerləşdirilib. Onlara ilkin tibbi yardım göstərildikdən sonra buraxılıblar.
Astara Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində V.Xudaverdiyev tutulub.
Araşdırma aparılır.
Bütün xəbərlər Facebook səhifəmizdə
USD
EUR
GBP
RUB