Bakıda kibercinayətkarlıqla məşğul olan transmilli mütəşəkkil cinayətkar dəstə ifşa edilib. Əcnəbi və Azərbaycan vətəndaşlarından ibarət dəstə üzvləri Türkiyədə fəaliyyət göstərən 11 bankın 74 müştərisinin kart hesablarından 54 min manatdan çox pul çəkiblər.
Saxta sayt yaradaraq kibercinayətkalıqla məşğul olan dəstə saxlanılıb.
Baş Mütəşəkkil Cinayətkarlıqla Mübarizə İdarəsi əməkdaşları keçirilən xüsusi əməliyyat nəticəsində Türkiyə vətəndaşı Mesut Uzunöz, Gürcüstan vətəndaşı Babək Qəribov və Azərbaycan vətəndaşı Rüfət Qüdrətlidən ibarət transmilli mütəşəkkil cinayətkar dəstə zərərsizləşdirlib.
Müəyyən edilib ki, onlar Türkiyədə yaşayan Yaşar Baranın tapşırığına əsasən Azərbaycanda saxta ''ucuzsepet.com'' veb saytını yaradıblar. Dəstə üzvləri həmin səhifədə onlayn alış-veriş edən Türkiyədə fəaliyyət göstərən 11 bankın 74 müştərisinin kart hesablarına sonradan qanunsuz yolla daxil olaraq oradakı pul vəsaitlərini Azərbaycanda fəaliyyət göstərən müxtəlif banklarda adlarına açılan hesablara köçürüblər. Sonra isə nağdlaşdıraraq Türkiyəyə göndəriblər.
Saxlanılan şəxslərin zərərçəkənlərə 54 min 732 manat ziyan vurduqları sübuta yetirilib. Qeyd edilən fakta bağlı Baş İdarənin İstintaq Şöbəsində cinayət işi başlanılıb, araşdırmalar davam etdirilir.
Bütün xəbərlər Facebook səhifəmizdə
USD
EUR
GBP
RUB