Göyçayda evə basqın etdilər. SİA-nın Daxili İşlər Nazirliyinin (DİN) rəsmi saytına istinadən verdiyi xəbərə görə, dekabrın 1-də Göyçay şəhərində yaşayan Fərzalı Hacıyevin evinə girən 3 maskalı şəxs arvadı Rəxşəndəni və oğlu Fərhadı döymüş, bıçaqla hədələyib oradan 100 manat və qızıl əşyalar aparıb.
Həyata keçirilmiş əməliyyat-axtarış tədbirləri ilə hadisəni törətmiş Bərdə rayon sakini Səxavət Mehdiyevin idarə etdiyi "Opel" markalı avtomobil Qobustan rayonu ərazisində YPXA-nın əməkdaşları tərəfindən saxlanılmış, S.Mehdiyev və sərnişini, Şərur rayon sakini Orxan İsmayılov RPŞ-yə təhvil veriliblər.
Ətraflarında aparılan əməliyyat tədbirləri ilə onların hadisəni Tərtər rayon sakini Emin Əliyev və Bakı şəhər sakini Eltac Şəmiyevlə birgə törətmələri müəyyən edilib.
Bütün xəbərlər Facebook səhifəmizdə
USD
EUR
GBP
RUB