Təmir-tikinti alətləri oğurlayan şəxs tutulub. Bakı şəhər Baş Polis İdarəsindən (BŞBPİ) SİA-ya verilən xəbərə görə, Sabunçu RPİ 12-ci PB əməkdaşlarının keçirdikləri əməliyyat tədbirləri nəticəsində, iyulun 15-nə keçən gecə, Balaxanı qəsəbəsi C.Cahangirov küçəsində yaşayan Rəşad Əliyevin həyətindəki saxlanc yerindən, pəncərəni açmaq yolu ilə tikinti alətləri, iyulun 25-də isə Əhəd Əliyevə məxsus Ramana qəsəbəsi Şuşa şəhərciyində yeni inşa olunan evdən eyni üsulla tikinti alətləri və materiallar oğurlamaqda şübhəli bilinən Yardımlı rayon sakini, əvvəllər məhkum olunmuş 1980-ci il təvəllüdlü Ruslan Qənbərov tutulub. R.Qənbərovun ətrafında keçirilən əməliyyat-istintaq tədbirləri nəticəsində müəyyən edilib ki, o fevralın 20-dən sentyabrın 2-dək, olan müddətdə Bakı şəhər sakinləri Zamiq Məmmədrzayevin, Sərxan Cəfərovun, Arzu Osmanovun, Manaf Mehdiyevin, Mohəmməd Əkbərovun və Cəlil Muradovun evlərindən açıq pəncərədən keçməklə təmir-tikinti alətləri oğurlayıb.
Bütün xəbərlər Facebook səhifəmizdə
USD
EUR
GBP
RUB