Narkotiklərə görə həbs edilmiş şəxs özü ilə həbsxanaya da marixuana aparırmış. Ədliyyə Nazirliyi Penitensiar Xidmətin İctimaiyyətlə əlaqələr şöbəsindən SİA-ya verilən məlumata görə, Xidmət əməkdaşları tərəfindən 2 saylı İstintaq təcridxanasına etapla daxil olan şəxs Həsrət Hacıqulu oğlu Səmədzadənin üzərinə baxış keçirilib.
Baxış zamanı onun əynindəki qış gödəkçəsinin cibində gizlətdiyi "West" siqarət qutusunun içərisində olan 9 ədəd siqaretə doldurulmuş, xalis ümumi çəkisi 3.02 qram olan narkotik vasitə - marixuana aşkar edilərək götürülüb.
Qeyd edək ki, H.Səmədzadə Cinayət Məcəlləsinin 234.4.3 və 237.2.3-cü maddələrinə əsasən təqsirli bilinərək həbs edilib.
Fakt üzrə araşdırma aparılır.
Bütün xəbərlər Facebook səhifəmizdə
USD
EUR
GBP
RUB