Ötən gün Şüvəlan çimərliyində batan uşaqlardan sonuncusunun da meyiti tapılıb. Fövqəladə Hallar Nazirliyinin Dövlət Sulardan Xilasetmə Xidmətindən SİA-ya verilən məlumatda bildirilir ki, qadağan olunmuş ərazidə batan 6 yaşlı Fariz Qafil oğlu Məmmədovun meyiti bu gün səhər saat 07.44 radələrində batdığı yerdən 5 km kənarda dəniz sahilində aşkar edilib və xilasedicilər tərəfindən aidiyyəti üzrə təhvil verilib.
Məlum hadisəyə valideyn nəzarətsizliyi səbəb olub.
Qeyd edək ki, avqustun 6-da axşam saatlarında Şüvəlan çimərliyindən 8 km aralıda, qadağan olunmuş ərazidə 10 yaşlı Kəmalə Qafil qızı Məmmədova, onun bacısı 9 yaşlı İlgün Qafil qızı Məmmədova, qardaşı 6 yaşlı Fariz Qafil oğlu Məmmədov, 14 yaşlı Aydan Fikrət qızı Fərziyeva, onun qardaşı, 9 yaşlı Hüseyn Fikrət oğlu Fərziyev batıb. Belə ki, həmin uşaqlar dünən axşam saatlarında valideynlərinin nəzarəti olmadan çimərliyə gediblər.
Bütün xəbərlər Facebook səhifəmizdə
USD
EUR
GBP
RUB