"Hacıqabuldan Gəncə istiqamətinə hərəkət edən yük qatarının 15 vaqonunun relsdən çıxması nəticəsində xəsarət alan və ya həlak olan yoxdur". Bunu SİA-ya açıqlamasında "Azərbaycan Dəmir Yolları" Qapalı Səhmdar Cəmiyyətinin mətbuat katibliyinin rəisi Nadir Əzməmmədov deyib.
Onun sözlərinə görə, hazırda aşan 6 vaqonun taxılı sorma üsulu ilə yük maşınlarına yığılır: "Eyni zamanda, digər aşan vaqonlardakı taxtanın yığılmasına, vaqonların isə qaldırılmasına başlanılıb. Hazırda hadisə yerində olan mütəxəssislər tərəfindən qəzanın baş vermə səbəbləri araşdırılır".
Qeyd edək ki, bu gün saat 12.15-də "Azərbaycan Dəmir Yolları" Qapalı Səhmdar Cəmiyyətinin Muğan-Qarasu mənzilində Hacıqabuldan Gəncə istiqamətinə hərəkət edən yük qatarının 15 vaqonu relsdən çıxıb, 6 taxıl vaqonu aşıb və yükü dağılıb. Hər iki istiqamətdə qatarların hərəkəti dayandırılıb. Hadisənin nəticələrinin aradan qaldırılmasına "Fövqəladə Hallar Qatarı" MMC-nin Hacıqabul bölməsinin canlı qüvvəsi və texnikası cəlb edilib. Hazırda hadisənin baş vermə səbəbi Hərəkətin təhlükəsizliyi üzrə texniki müfəttişlik və müvafiq qurumlar tərəfindən araşdırılır.
Bütün xəbərlər Facebook səhifəmizdə
USD
EUR
GBP
RUB