Zaqatala rayonunda silahlı insident baş verib. Bu gün günorta saatlarında Yevlax-Zaqatala-Gürcüstan sərhədi avtomobil yolunun Zaqatala rayonunun Yuxarı Tala kəndi ərazisində, yolun kənarında 99 FG 128 dövlət nömrə nişanlı, "Hyundai" markalı maşına avtomatdan atəş açılıb.
Naməlum şəxslər atəş açan zaman avtomobildə 4 nəfər olub. Hadisə nəticəsində onların hamısı yaralanıb. İlkin məlumata görə, xəstəxanaya aparılarkən yaralılardan 3-ü yolda ölüb.
Hadisənin motivi, kim və ya kimlər tərəfindən törədildiyi hələlik məlum deyil.
Atəşə tutulan avtomobilin Balakən rayon sakini Əliqayev Vüsal Xəlil oğluna məxsus olduğu açıqlanıb.
Hadisə yerində hüquq-mühafizə orqanlarının əməkdaşları işləyirlər.
Bütün xəbərlər Facebook səhifəmizdə
USD
EUR
GBP
RUB