Azərbaycan Daxili İşlər Nazirliyi Lənkəranda iş adamının qətli ilə bağlı məlumat yayıb. DİN-dən SİA-ya verilən məlumata görə, noyabrın 18-də Lənkəran rayonu Göyşaban kəndində kənd sakini Etibar Nəzərovun odlu silahdan (tapançadan) açılan atəşlə qətlə yetirilmiş meyiti "Mitsubishi" markalı avtomobilində tapılıb.
Faktla əlaqədar cinayət işi başlanıb, Lənkəran Şəhər Rayon Polis Şöbəsi tərəfindən əməliyyat-axtarış tədbirləri aparılır.
Xatırladaq ki, hadisə ötən gün axşam saatlarında Lənkəran rayonu Göyşaban kəndi ərazisində, Ələt-Astara yolunun yaxınlığında baş verib. Beləki Göyşaban kənd sakini Nəzərov Etibar Vəkil oğlu 90 RV 863 dövlət nömrə nişanlı, "Mitsubishi" markalı avtomobilində tapançadan başına atəş açılmaqla güllələnib. Onun şəxsi münasibətlər üzündən yaranmış mübahisə zəminində öldürüldüyü ehtimal olunur. Hadisənin kim və kimlər tərəfindən törədildiyi hələlik bilinmir. Qətlə yetirilən şəxsin iş adamı olduğu bildirilir.
Bütün xəbərlər Facebook səhifəmizdə
USD
EUR
GBP
RUB