Bakı şəhər Baş Polis İdarəsindən SİA-ya verilən məlumata görə, ötən gün gecə Bərdə rayon sakini Elramin Xəlilova məxsus "VAZ-21063" markalı avtomobil Nərimanov rayonu Ə.Əlizadə küçəsindən qaçırılıb. DİN ÇPA və Səbail rayon Polis İdarəsi 8-ci Polis Bölməsi əməkdaşlarının keçirdiyi əməliyyat-axtarış tədbirləri nəticəsində avtomobili qaçıran Bakı şəhər sakinləri - Fərid Məhərrəmov, Elnur İsayev və Valeriy Qroşov avtomaşınla birlikdə Salyan yolunda saxlanılıblar.
Bununla yanaşı avqustun 2-nə keçən gecə Binə Südçülük sovxozunda yaşayan Əfqan Teymurova məxsus "VAZ-2107" markalı avtomobil evinin qarşısından qaçırılıb. Suraxanı rayon Polis İdarəsi 30-cu Polis Bölməsinin əməkdaşlarının keçirdiyi əməliyyat tədbirləri nəticəsində avtomobili qaçıran Bakı şəhər sakinləri - Rauf Fərəcov, Güloğlan Orucov və Kamran Bəşirov polis əməkdaşları tərəfindən həbs olunub. Avtomobil isə Lənkəran rayonu ərazisində dövlət qeydiyyat nişanları üzərində olmaqla sökülmüş vəziyyətdə aşkar olunub.
Bütün xəbərlər Facebook səhifəmizdə
USD
EUR
GBP
RUB