Dövlət Gömrük Komitəsinin (DGK) əməkdaşları tərəfindən mart ayında və aprelin əvvəllərində yerli və əcnəbi vətəndaşlar tərəfindən xeyli məbləğdə valyutanın gömrük orqanına bəyan olunmadan respublikadan aparılması cəhdlərinin qarşısını alınıb. SİA-nın DGK-nın saytına istinadən verdiyi məlumata görə, həyata keçirilən tədbirlər zamanı Azərbaycan vətəndaşları - Samir Qayıbovdan Bakı-Dubay aviareysilə uçmaq istəyərkən 4600 ABŞ dolları, Əvəz Fərhadovda (Bakı-İstanbul) 1500 ABŞ dolları, Nəcəf Məmmədovda (Bakı-İstanbul) 1500 avro, Sadiq Abdullayevdə (Bakı-İstanbul) 5000 ABŞ dolları, Samir Vəliyevdə (Bakı-Sankt-Peterburq) 4700 ABŞ dolları, Afaq Mirzəyevada (Bakı-İstanbul) 2700 ABŞ dolları, Fəyyaz Şükürovda (Bakı-Dubay) 4900 ABŞ dolları, Samir Şükürovda (Bakı-Dubay) 4400 ABŞ dolları, Eldar Rzayevdə (Bakı-Tbilisi) 4000 ABŞ dolları, Natella Camalovada (Bakı-Urumçi) 4800 ABŞ dolları, Əziz Quliyevdə (Bakı-İstanbul) 2800 ABŞ dolları aşkarlanıb.
Bundan başqa, gömrük orqanına bəyan etmədən respublikadan valyuta çıxaran Türkiyə vətəndaşları - Zafer Yalçından (Bakı-İstanbul) 2500 ABŞ dolları, Ertan Fıratdan (Bakı-İstanbul) 4500 ABŞ dolları, Ramazan Altıntopdan (Bakı-İstanbul) 3000 ABŞ dolları, Ahmet Karadan (Bakı-İstanbul) 4200 ABŞ dolları, Gürkan Demirkandan (Bakı-İstanbul) 1500 ABŞ dolları, Osman Meydançıdan (Bakı-İstanbul) 1900 ABŞ dolları, Rusiya vətəndaşları - Məmməd-Paşa Kuliyevdən (Bakı-Moskva) 3000 ABŞ dolları, Niyazi Quliyevdən (Bakı-Moskva) 60000 Rusiya rublu, Gürcüstan Respublikasının vətəndaşı Şahin Bayramovdan (Bakı-Urumçi) 4800 ABŞ dolları götürülüb.
Bütün faktlarla bağlı təhqiqat aparılır.
Bütün xəbərlər Facebook səhifəmizdə
USD
EUR
GBP
RUB