Fövqəladə Hallar Nazirliyi Azov dənizində qəzaya uğrayan gəmidə xilas edilən Azərbaycan vətəndaşları ilə bağlı məlumat yayıb. SİA-nın FHN-ə istinadən verdiyi məlumata görə, 7 fevral 2012-ci il tarixində Bakı vaxtı ilə saat 07:40 radələrində Azov dənizində olan "Avaca 1" yük gəmisindən həyəcan siqnalının verilməsi barədə məlumat daxil olub. Ukrayna Fövqəladə Hallar Nazirliyinə istinadən yayılan məlumata görə, gəminin 12 heyət üzvündən 8 nəfəri Azərbaycan, 1 nəfəri Türkiyə, 3 nəfəri isə Ukrayna vətəndaşıdır.
Ukrayna Fövqəladə Hallar Nazirliyinin Böhran Vəziyyətlərində İdarəetmə Mərkəzindən alınan məlumata əsasən, görülən tədbirlər nəticəsində yerli vaxtla saat 07:35 radələrində gəminin heyət üzvləri, o cümlədən 8 nəfər Azərbaycan vətəndaşı xilas olunublar. Xilas olunan azərbaycanlı dənizçilərin Simferopola aparıldığı qeyd olunub.
Bütün xəbərlər Facebook səhifəmizdə
USD
EUR
GBP
RUB