Fövqəladə Hallar Nazirliyi ötən gecə Bakının mərkəzində yerləşən yaşayış binasında baş verən yanğınla bağlı məlumat yayıb. SİA-nın nazirliyin saytına istinadən verdiyi məlumata görə, Bakı şəhəri, Nəsimi rayonunda yerləşən daxili arakəsmələr, mərtəbələrarası örtük və tavanı taxta konstruksiyalardan ibarət beşmərtəbəli yaşayış binasının ümumi sahəsi 1300 kv/m olan dam örtüyünün yanar konstruksiyaları 750 kv/m sahədə və 5-ci mərtəbədəki 5 mənzildə tavan ümumilikdə 288 kv/m sahədə yanıb. Binanın yuxarı mərtəbələrindən 18 sakin, o cümlədən 6 uşaq və 1 nəfər yataq xəstəsi yanğınsöndürənlər və hadisə yerinə cəlb olunmuş xilasedicilər tərəfindən təxliyə olunub. Binanın qalan hissəsi yanğınsöndürənlər tərəfindən yanğından mühafizə edilib. Yanğın saat 05:20-də yanğınsöndürənlər tərəfindən tam söndürülüb.
Bütün xəbərlər Facebook səhifəmizdə
USD
EUR
GBP
RUB