Bu gün saat 13:30 radələrində Şirvan şəhərində bıçaqlanma hadisəsi baş verib. SİA-nın Aran bürosunun məlumatına görə, Ticarət Mərkəzində 1987-ci il təvəllüdlü Şirvan sakini Əliyev Elxan Sərxan oğlunu həmyaşıdı Fətiyev Ruslan Gülməmməd oğlu bıçaqla ürək nahiyyəsindən vurub.
Zərərçəkmişin qardaşının dediyinə görə, Ruslanla qardaşı Elxan bir
məhəllədə yaşayırlar. Elxanın ardınca gələn taksi sürücüsünü Ruslan dostları
ilə bərk maşın sürmək üstündə döymək istəyəndə aralarına zərərçəkmiş girib.
Mübahisə sülhlə qurtarsa da Ruslan 2 avtomabillə dostlarını başına yığaraq
bıçaqla silahlanıb bazara yollanıblar. Elxanı tapıb ona hücum ediblər. Dəstə başçısı
Ruslan Fətiyev özü bıçaqla Elxanı vurduqdan sonra dəstə üzüvlərini də götürüb
bazardan çıxıb.
Yaralı əvvəlcə Şirvan Müalicə Diaqnostika mərkəzinə aparılır. Xəstəni
burada qəbul etməyib Şirvan xəstəxanasına göndərilib. Cərrahiyyə
şöbəsinin müdiri Akif Rüstəmovun verdiyi məlumata əsasən, Elxan Əliyevin sol döş
qəfəsinin 4-ci qabırğa nahiyyəsində kəsilmiş yara aşkar edilib.
Polis şöbəsindən verilən məlumata görə, hadisəni törədən şəxs
saxlanılıb və faktla bağlı araşdırma
aparılır.
İqbal Mikayılov
Bütün xəbərlər Facebook səhifəmizdə
USD
EUR
GBP
RUB