Təxirəsalınmaz əməliyyat tədbirləri nəticəsində cinayətin digər iştirakçısı Bakı şəhər sakini Cəmil Parlanov oktyabrın 21-də Yasamal RPİ 28-ci PB-nin əməkdaşları tərəfindən yaxalanıb.
Oktyabrın 21-də naməlum şəxs S.Ə.Şirvani küçəsində "Daewoo" markalı avtobusun sürücüsü Valeh Abdullayevə bıçaqla hədə-qorxu gələrək pulunu alıb qaçıb. Xətai RPİ CAŞ və 34-cü PB-nin əməkdaşlarının keçirdiyi əməliyyat tədbirləri nəticəsində quldurluqda şübhəli bilinən Bakı şəhər sakini Emin Əmirəliyev oktyabrın 21-də tutulub.
Oktyabrın 21-i saat 00:30 radələrində Bakı şəhər sakini Elman Paşayevə məxsus Q.Qarayev prospektində yerləşən mağazadan oğurluğa cəhd edən Tərlan Rəhimov və Sərvan Əjdərli Nizami RPİ PPXB-nin əməkdaşları tərəfindən yaxalanaraq ərazi üzrə 25-ci PB-yə təhvil veriliblər. Araşdırma nəticəsində müəyyən edilib ki, onlar oktyabrın 18-nə keçən gecə Səbail rayonu ərazisində Y.Məmmədəliyev küçəsində yerləşən Bakı şəhər sakini Hüseyn Quliyevə məxsus mağazadan qapının kilidini sındırma yolu ilə 117 manat, 4 ədəd noutbuk və kosmetik əşyalar oğurlayıblar.
Oktyabrın 21-də X.Məmmədov küçəsində yaşayan İqbal Camalovun evindən pəncərədən keçmə yolu ilə qızıl-zinət əşyaları oğurlanıb. Xətai RPİ CAŞ və 36-cı PB-nin əməkdaşlarının keçirdiyi əməliyyat tədbirləri nəticəsində oğurluqda şübhəli bilinən Bakı şəhər sakinləri Samir Soltanov və Natiq Yusifov oktyabrın 21-də tutulublar.
Aprelin 29-da R.Behbudov küçəsində yaşayan Səidə İbrahimovanın mənzilindən açar seçmə yolu ilə qızıl-zinət əşyaları oğurlanıb. Səbail RPİ 39-cu PB-nin əməkdaşlarının keçirdiyi əməliyyat tədbirləri nəticəsində oğurluqda şübhəli bilinən Abşeron sakini Qalina Babayeva oktyabrın 21-də tutulub.
Nərimanov RPİ 16-cı PB-nin əməkdaşlarının keçirdiyi əməliyyat-axtarış tədbirləri nəticəsində AR CM-in 177-ci (oğurluq) maddəsi ilə axtarışda olan Mehdi Məmmədov oktyabrın 21-də yaxalanıb.
Bütün xəbərlər Facebook səhifəmizdə
USD
EUR
GBP
RUB