Daxili İşlər Nazirliyi (DİN) Bakıda tikinti şirkətinə edilən silahlı basqınla bağlı məlumat yayıb. DİN mətbuat xidmətindən SİA-ya verilən məlumata görə, hadisə iyunun 11-də, saat 12.10 radələrində, Nərimanov rayonu, Teymur Əliyev küçəsində qeydə alınıb. Həmin ünvanda yerləşən "Azər-Ross" MTK-nın təsisçisi Əflatun Piriyev və şirkətin baş mühasibi, Əmiraslan Əhmədov güllə yarası ilə xəstəxanaya gətirilib. Ə. Piriyev aldığı güllə yarasından xəstəxanada dünyasını dəyişib. Ə. Əhmədovun vəziyyəti isə orta-ağırdır.
Baş vermiş hadisə ilə bağlı Nərimanov Rayon Prokurorluğu və Rayon Polis İdarəsi tərəfindən hadisəni törədən şəxslərin müəyyənləşdirilməsi istiqamətində əməliyyat-axtarış tədbirləri davam etdirilir.
Bütün xəbərlər Facebook səhifəmizdə
USD
EUR
GBP
RUB