Son dövrlər yağış və dolu nəticəsində Gəncə ətrafı rayonların təxminən 500 hektardan artıq əkin sahəsinə ziyan dəyib. Mütəxəssislərin ilkin araşdırmalarına görə, ən ciddi ziyan üzüm sahələrində müşahidə olunub. Belə ki, 120 ha taxıl, 150 ha kartof sahəsinə ziyan dəydiyi təqdirdə üzüm bağlarında bu rəqəm 230 ha yaxındır. Bundan əlavə 60 baş iribuynuzlu, 100 baş isə xırdabuynuzlu heyvan sel sularının qurbanı olub.
Samux rayon Ərazi Kənd Təsərrüfatı İdarəsinin rəisi Ziyad Abbasovun SİA-nın bölgə müxbirinə verilən məlumata görə, əldə olunan rəqəmlər Kənd Təsərrüfatı Nazirliyinə göndərilib. Bildirilib ki, üzümçülük təsərrüfatında mövcud vəziyyət daha da acınacaqlıdır. Kənd Təsərrüfatında çalışan işçilərin qorxusu bununla bitmir. Əgər qeyri-sabit hava şəraiti belə davam etsə onda üzümçülük sahəsində bu il məhsul götürülə bilməyəcək. Üstəlik taxıl sahəsində gözlənilən məhsulun 50 %-i isə itkiyə gedəcək. Hazırda gözlənilən ilkin təhlükə özünü göstərməkdədir. Taxıl sahələrində biçin gecikir. Bu da məhsul itkisinə yola aça bilər. Qeydə alınan rəqəmlərlə bağlı Kənd Təsərrüfatı Nazirliyindən isə hələ ki, heç bir rəsmi məlumat verilməyib.
İlham Məmmədov
Bütün xəbərlər Facebook səhifəmizdə
USD
EUR
GBP
RUB