Zaqatalanın Uzuntala kənd sakininə məxsus 8 otaqlı yaşayış evi yanıb. Bu barədə SİA-nın bölgə müxbirinə Fövqəladə Hallar Nazirliyi Dövlət Yanğından Mühafizə Hissəsindən məlumat verilib.
Səhər erkən saatlarında rayonun Uzuntala kəndində fərdi yaşayış evində yanğınla bağlı məlumat daxil olub. Kənd sakini Kamal Qarayevə məxsus, ümumi sahəsi 240 kvadratmetr olan yaşayış evində yanğının söndürülməsinə Zaqatala ilə yanaşı, Balakən rayonundan da texnika və canlı qüvvə cəlb edilib.
Yanğınsöndürənlərin səyi nəticəsində mənzilin tamamilə yanmasının qarşısı alınıb. Belə ki, evin dam örtüyü və iki otağın yanar kontraksiyaları ev əşyaları ilə birlikdə yanıb. Evin qalan hissəsi və yaxınlıqdakı tikililər yanğından mühafizə olunub.
Hadisə zamanı xəsarət alan olmayıb. İlkin ehtimallara görə, yanğına odun sobası borusunun bacada qızması səbəb olub.
Baş vermiş yanğınla bağlı müvafiq qurum tərəfindən araşdırma aparılır.
Bütün xəbərlər Facebook səhifəmizdə
.jpg)
USD
EUR
GBP
RUB