Şabranda ölümlə nəticələnən yol-nəqliyyat hadisəsi baş verib.
SİA AZƏRTAC-a istinadən xəbər verir ki, DİN-in Mətbuat Xidmətinin Quba regional qrupundan verilən məlumata görə, hadisə bu gün saat 19:30 radələrində baş verib.
Rayon sakini, Məmmədəli Quliyev idarə etdiyi “Opel” markalı avtomobillə yolu keçən piyada, 2008-ci il təvəllüdlü L.Osmanovanı vurub.
O, müxtəlif dərəcəli xəsarətlərlə Şabran Rayon Mərkəzi Xəstəxanasına çatdırılsa da, orada ölüb.
Faktla bağlı cinayət işi başlanılıb, araşdırmalar davam etdirilir.
Bütün xəbərlər Facebook səhifəmizdə
USD
EUR
GBP
RUB