Sankt-Peterburqda 12 yaşlı uşaq məktəbə pnevmatik qumbara gətirib.
Hadisə çərşənbə günü, mayın 8-də saat 14:30 radələrində Planernaya küçəsində, bina 1, ev 73-də yerləşən məktəbdə qeydə alınıb.
SİA xəbər verir ki, bu barədə Rusiya Federasiyası Daxili İşlər Nazirliyinin Sankt-Peterburq üzrə Baş İdarəsinin mətbuat xidməti məlumat yayıb.
Hadisə yerinə gələn hüquq-mühafizə orqanlarının əməkdaşları 6-cı sinif şagirdinin airsoft oyun əşyası alıb məktəbə gətirdiyini müəyyən ediblər.
Lakin şagirdin bel çantasında qəfildən qumbara işə düşüb. Maraqlıdır ki, qumbarasının partlaması nəticəsində xəsarət alan olmayıb.
Hüquq-mühafizə orqanlarının əməkdaşları şagird və onun valideynləri ilə profilaktik söhbət aparıblar.
Nazlı
Bütün xəbərlər Facebook səhifəmizdə