Həmkəndlisini qətlə yetirən şəxsə cinayət işi açılıb

Cəlilabadda həmkəndlisini qətlə yetirməkdə şübhəli bilinən şəxs saxlanılıb.

SİA-nın əldə etdiyi məlumata görə, DİN-in mətbuat xidmətinin regional qrupundan bildirilib ki, bu gün saat 18:30 radələrində Cəlilabad rayonu Əliqasımlı kəndində 1985-ci təvəllüdlü Əzimov Şamo Şamil oğlunun kəsilmiş-deşilmiş xəsarətlərdən ölməsi barədə polisə məlumat daxil olub.

Cinayət əməlini törətməkdə şübhəli bilinən, həmkəndlisi 1991-ci təvəllüdlü Aslanov Rəşad Aydın oğlu saxlanılıb. Cinayət hadisəsi şəxsi münasibətlər zəminində baş verib. O, könüllü polisə təslim olub.

Araşdırma aparılır.

Bütün xəbərlər Facebook səhifəmizdə