Abşeron rayonun Saray qəsəbəsi ərazisində ağır yol nəqliyyat hadisəsi baş verib.
Martın 27-də axşam saatlarında “Mercedes” markalı minik avtomobili ilə “İveco” markalı yük avtomobili toqquşub. SİA-nın əldə etdiyi məlumata görə, hadisə zamanı üç nəfər: 2018-ci il təvəllüdlü Hüseynli Zəminə, 2007-ci il təvəllüdlü Məryəm Allahverdiyeva və 1974-cü il təvəllüdlü Afət adlı şəxs dünyasını dəyişib. Qəza zamanı xəsarət almış bir ailənin 4 üzvü Sumqayıt Təcili Tibbi Yardım Xəstəxanasına çatdırılıb.
Xəstəxananın baş həkimi Rauf Sadıqov bildirilib ki, qəza nəticəsində müxtəlif bədən travmaları alan 2019-cu ildə anadan olmuş Mehdi Hüseynli, 2016-cı ildə anadan olmuş Hüseyn Hüseynli, 1984-cü ildə anadan olmuş Nərminə Hüseynova və 1989-cu ildə anadan olmuş Nurəngiz Hüseynliyə müvafiq tibbi yardım göstərilib. Sonra pasiyentlərin öz xahişi ilə onlar özəl klinikalardan birinə aparılıb.
Faktla bağlı hüquq mühafizə orqanları tərəfindən araşdırma aparılır.
Bütün xəbərlər Facebook səhifəmizdə
USD
EUR
GBP
RUB