Fövqəladə Hallar Nazirliyinin (FHN) xilasediciləri daha 5 nəfərin cəsədini çıxararaq təhvil veriblər.
Bu barədə Fövqəladə Hallar Nazirliyindən SİA-ya məlumat verilib.
Beləliklə, FHN xilasediciləri zəlzələdən ciddi zərər görmüş Kahramanmaraş rayonu ərazisində həyata keçirdikləri axtarış-xilasetmə əməliyyatları nəticəsində dağıntılar altından 51 nəfəri sağ (onlardan 17 nəfəri uşaqdır), 618 nəfərin isə cəsədini çıxararaq aidiyyəti üzrə təhvil veriblər.
Xatırladaq ki, fevralın 6-da Türkiyənin Kahramanmaraş vilayətinin Pazarcık rayonunda 7,7 bal, Elbistan rayonunda 7,6 bal gücündə iki zəlzələ baş verib. Dərinliyi 7 kilometr olan zəlzələ 10 vilayətdə ciddi dağıntılara səbəb olub. Zəlzələdən zərər çəkmiş 10 vilayətdə üç ay müddətinə fövqəladə vəziyyət rejimi elan olunub. Həmçinin, Türkiyədə bir həftəlik matəm elan olunub.
Bütün xəbərlər Facebook səhifəmizdə
USD
EUR
GBP
RUB