Azərbaycan Dövlət İqtisad Universitetinin brendi olan UNEC Türkiyədə “Turk Marka və Patend Kurumu” tərəfindən də tanınıb. Universitetdən SİA-ya bildirilib ki, UNEC markası Türkiyədəki universitetlər arasında ən çox yayılan 09, 16, 35, 41 və 42 saylı təsnifatlara daxil olan xidmət və məhsulları əhatə edir. Buraya təhsil və tədris xidmətləri, nəşr, jurnal, kitab, təqvimlər, eləcə də elm və sənaye ilə bağlı tədqiqat və tədqiqat xidmətləri, elmi inkişaf və araşdırma xidmətləri, keyfiyyət və standartların müəyyənləşdirilməsi məqsədilə məhsul və xidmətlərin test olunması fəaliyyəti, reklam materialları, bu istiqamətdə digər xidmət və məhsullar daxildir.
Şərtlərə əsasən, növbəti 10 il ərzində UNEC brendi “Turk Marka və Patend Kurumu” tərəfindən də qorunacaq. Bir neçə xarici ölkə tərəfindən UNEC brendinin tanınması işi isə tamamlanmaq üzrədir.
Qeyd edək ki, Azərbaycan Dövlət İqtisad Universitetinə məxsus UNEC brendi 2016-ci il yanvarın 21-də Standartlaşdırma, Metrologiya və Patent üzrə Dövlət Komitəsi tərəfindən rəsmi dövlət qeydiyyatına alınıb.
Bütün xəbərlər Facebook səhifəmizdə
USD
EUR
GBP
RUB