"Gələn ildən xüsusi qabiliyyət tələb edən, idmançılara, musiqi və ifaçılıq sahəsində olan ixtisaslara buraxılış imtahanlarının nəticələrinə görə orta ixtisas məktəblərinə qəbul aparılacaq". SİA-nın xəbərinə görə, bu fikirləri Tələbə Qəbulu üzrə Dövlət Komissiyasının sədri Məleykə Abbaszadə deyib.
"Necə ki bu il 9 illik bazadan aparılıb, eləcə də gələn ildən 11 illik bazadan da, tibb texnikumları istisna olmaqla orta ixtisas məktəblərinə buraxılış imtahanlarının nəticələrinə görə müsabiqə aparılacaq. Bu da o deməkdir ki, buraxılış imtahanları bir az çətinləşəcək. Çünki imtahanda 3-cü əlavə fənn olacaq. Bunu 3 il bundan əvvəl elan etmişdik və artıq 2015-ci ildə tətbiq olunacaq. 3 fənn üzrə göstərilən nəticəyə görə orta ixtisas məktəblərinə qəbul aparılacaq. Söhbət qabiliyyət tələb edən ixtisaslardan gedir"- deyə, TQDK sədri məsələ ilə bağlı fikirlərinə əlavə edib.
O həmçinin qeyd edib ki, mövcud dəyişikliklər sahə mütəxəssisləri ilə araşdırılıb və ortaq məxrəcə gəlinib: "Hüquqi müstəvidə qərarlarının qəbul olunması üçün müvafiq addımlar atılıb. Cari ilin oktaybr-noyabr aylarında qaydalar təsdiq olunaraq dərc ediləcək".
Bütün xəbərlər Facebook səhifəmizdə
USD
EUR
GBP
RUB