"Yavuz" qazma gəmisi Qara dənizdə təbii qaz hasilatının ilk və ən mühüm mərhələsi olan böyük idarəetmə sistemlərini dəniz dibinə yerləşdirmək üçün aprelin 8-də Sakarya qaz yatağındakı "Türkali-2" quyusuna yola düşəcək. SİA bu barədə Türkiyə mətbuatına istinad edir.
Türkiyə Neft Şirkəti (TPAO) inventarında olan "Türkali-2" quyusunda vəzifəsinin başlaması ilə Türkiyənin üç qazma gəmisi ilk dəfə Qara dənizdə eyni vaxtda xidmət göstərəcək.
Hazırda “Fatih” gəmisi kəşfiyyat qazmalarını, “Kanuni” gəmisi isə "Türkali" quyularında infrastruktur işlərini həyata keçirir.
"Yavuz" qazma gəmisi Qara dənizdə qazılacaq 10 "Türkali" quyusunda ən yüksək səviyyəli quyuların tamamlanması vəzifəsini yerinə yetirəcək.
"Yavuz" qazma gəmisinin ilk işi "Türkali-2" quyusunda dəniz dibinə böyük idarəetmə sistemləri yerləşdirmək olacaq.
Dəniz dibinə yerləşdiriləcək ən kompleks avadanlıq kimi “Christmas tree" kimi tanınan bu sistemlər quyuda təbii qaz hasilatına başlamaq üçün ilk və ən vacib addımdır.
Bu prosesin hər quyu üçün orta hesabla 45 günə başa çatdırılması planlaşdırılır.
Bütün xəbərlər Facebook səhifəmizdə
USD
EUR
GBP
RUB