Cari ildə Türkiyədə Azərbaycan kapitalı ilə 124 şirkət qeydiyyata alınıb

2021-ci ilin yanvar-iyun aylarında Türkiyədə Azərbaycan kapitalı ilə 124 şirkət qeydiyyata alınıb ki, bu da 2020-ci ilin eyni dövrü ilə müqayisədə 73 şirkət çoxdur.

SİA-nın məlumatına görə, bu barədə Türkiyə Ticarət və Sənaye Palatası (TOBB) məlumat yayıb.

Hesabat dövründə Türkiyədə qeydiyyata alınan Azərbaycan şirkətlərinin məcmu kapitalı 37,225 milyon lirə təşkil edib, 2020-ci ilin eyni dövründə isə bu rəqəm 8,245 milyon lirəyə bərabər olub.

2021-ci ilin yanvar-iyun aylarında Azərbaycan şirkətlərinin əksəriyyəti İstanbulda (109) qeydiyyata alınıb. Bu şirkətlərin ümumi kapitalı 37,145 milyon türk lirəsi təşkil edib.

Ötən ay Türkiyədə Azərbaycan kapitalı ilə 11 sənaye, 6 tikinti, 51 topdan və pərakəndə ticarət, 8 daşınmaz əmlak satışı, 6 turizm, 14 nəqliyyat-logistika, 1 dağ-mədən və 1 bir kənd təsərrüfatı şirkəti qeydiyyata alınıb. Qalan şirkətlər iqtisadiyyatın digər sahələrində iştirak edir.

Qeyd edək ki, 2020-ci ildə Türkiyədə Azərbaycan kapitalı ilə 148 şirkət qeydiyyata alınmışdı.

Bütün xəbərlər Facebook səhifəmizdə

loading...