Alfa Sığorta şirkətinin yenilənmiş korporativ veb səhifəsi sentyabr ayının 1- dən istifadəyə verilib. SİA-nın məlumatına görə, şirkətin yeni dizayn üslubunda tərtib olunmuş veb səhifə həm forma, həm də məzmun baxımından çox daha zəngindir. www.alfa.az ünvanında yerləşən saytda standard məlumatlarla və pəncərələrlə yanaşı bir sıra yeniliklər və ilklər nəzərə çarpır.
Belə ki, Azərbaycan sığorta bazarında ilk dəfə olaraq Onlayn Dəstək bölməsi yaradılıb ki, bunun vasitəsilə real zamanda canlı olaraq öz suallarınızı şirkətin müştəri əlaqələri üzrə menecerinə yönəldə bilərsiniz. Bununla yanaşı, E-ALFA adlanan bölmədə Alfa Sığorta şirkətinin internet xidmətlər bölməsi yerləşir. E –ALFA vasitəsilə müştərilər sığorta hadisəsi barədə sənədləri onlayn təqdim edə, sorğular verə, sığorta üçün müraciət edə, sığortalanmaq üçün lazımi məlumatları onlayn olaraq şirkətə yollaya, şəhadətnamələri onlayn olaraq ala və sığorta haqlarını sayt vasitəsilə plastik kartlarla ödəyə bilərlər. Bu isə müştərilərin vaxtına və puluna qənaət etmək deməkdir. İlk mərhələdə Azərbaycan dilində yayımlanan saytın çox yaxın zamanda ingilis dilli versiyası da hazır olacaq.
Bütün xəbərlər Facebook səhifəmizdə
USD
EUR
GBP
RUB