"BP-Azerbaijan" şirkətinin prezidenti Qordon Birreli əvəz edəcək Qeri Cons aprelin ilk iş günündən işə başlayır. Bu sözləri SİA-ya açıqlamasında iqtisadçı İlham Şaban deyib. Onun sözlərinə görə, Birrel 54 aya yaxın Bakıda olmaqla Gürcüstan və Türkiyə layihələrinə rəhbərlik etdi: "BP-nin dünyadakı müxtəlif layihələrindən 50 nəfər qazmaçı gətirdi və hasilatın stabilləşdirilməsi proqramını SOCAR-ın müzakirəsinə çıxartdı. Bu elə də asan məsələ deyildi. BP şirkəti ACG-də hasilatı artırmağa nail ola bildi".
İlham Şaban qeyd edib ki, Mr.Consun rəhbərliyi altında BP ilə Azərbaycan hökuməti arasında bir-neçə çox mühüm müqavilənin imzalanması planlaşdırılır: "Bunların ən birincisi, "Azəri-Çıraq-Günəşli" üzrə yeni bir PSA müqavilənin 2050-ci ilədək imzalanmasıdır. Daha sonra BP-nin Abşeronun dayaz sularinda neft hasilati ile bagli yeni bir muqavilesi imzalana bilər. Bundan elavə BP SOCAR-la 2 qaz müqaviləsini də gerçəkləşdirə bilər. Bunlardan biri AÇG-nin dərin qatlarındakı qaz laylarının işlənməsi, digəri isə hazırda BP-nin kəşfiyyata hazırlaşdığı qaz strukturundakı işlərlə bağlıdır. Yəni bu baxımdan yaxın "beşillikdə" BP-nin Azərbaycan və regionda missiyası artan xətlə inkişaf etməlidir ki, bu da həm neft, həm qaz, həm də infrastruktur layihələrinin inkişafı ilə əlaqədar olacaq".
Bütün xəbərlər Facebook səhifəmizdə
USD
EUR
GBP
RUB