Hasilatın artırılması məqsədi ilə yeni quyular qazılmaqla yanaşı, işlənmədə olan yataqlardakı fəaliyyətsiz fondda olan quyular da texniki-geoloji tədbirlər aparıldıqdan sonra istismara qaytarılır. "Azneft" İstehsalat Birliyi bu istiqamətdə tədbirlərini davam etdirir. Qurumdan SİA-ya verilən xəbərə görə, "Səngəçal-dəniz-Duvannı-dəniz-Xərə-Zirə adası" yatağındakı qəzalı vəziyyətdə olan 282 nömrəli estakadayanı meydançada təmir-bərpa işləri başa çatdırılıb, meydançadakı fəaliyyətsiz fondda olan 202 nömrəli quyu aparılmış əsaslı təmir işlərindən sonra istismara verilib. Quyu məhsuldar qat çöküntülərinin VII horizontundan qazlift üsulu ilə məhsul verib, 2772-2622 metr intervaldan gündəlik 26 ton neft hasilatı ilə istismara daxil edilib.
Quyuda istismar işləri "Azneft" İstehsalat Birliyinin N.Nərimanov adına NQÇİ tərəfindən həyata keçirilir.
Bütün xəbərlər Facebook səhifəmizdə
USD
EUR
GBP
RUB