"Dilmanc" Azərbaycan, türk, ingilis və rus dilləri arasında tərcümə etməyə imkan verən "plugin" - əsas proqrama qoşularaq istifadəçiyə əlavə imkan yaradan proqram modulu istifadəyə verib. "Dilmanc" qrupundan SİA-ya verilən məlumata görə, istifadəçilər bu "plugin"i düymə şəklində internet brauzerinə (Google Chrome, Mozilla Firefox) əlavə edərək "Dilmanc"ın təqdim etdiyi tərcümə imkanlarından yararlana bilərlər.
"Dilmanc plugin"in üstünlüyü ondadır ki, istifadəçinin tərcümə etmək istədiyi mətni kopyalayaraq "Dilmanc"ın səhifəsinə daxil olmasına, kopyalanmış mətni lazımi pəncərəyə qoymasına ehtiyac qalmır. İstifadəçi istənilən səhifədə hər hansı mətni seçərək "Dilmanc plugin" düyməsini sıxa bilər. "Dilmanc plugin" onun əvəzinə bütün prosesi icra edəcək.
Qeyd edək ki, "Dilmanc plugini" "Google Chrome" brauzerinə https://chrome.google.com/webstore/search/dilmanc, "Mozilla Firefox" brauzerinə isə https://addons.mozilla.org/en-US/firefox/addon/dilmanc-translate-plugin/?src=search linki vasitəsilə yükləmək mümkündür.
Bütün xəbərlər Facebook səhifəmizdə
USD
EUR
GBP
RUB