Bakı şəhərinin Nəsimi rayonunda avqustun 22-də Bank VTB (Azərbaycan) ASC-nin "Azadlıq" filialının açılış mərasimi keçirildi. Yeni filial paytaxt əhalisinin sıx məskunlaşdığı ərazilərdən birində, Azadlıq prospekti 92 ünvanında yerləşir.
Yeni filialda fiziki və hüquqi şəxslər geniş çeşidli bank xidmətlərindən istifadə edə bilərlər.
Filialın açılış mərasimində Bank VTB (Azərbaycan) ASC-nin İdarə Heyətinin və Müşahidə Şurasının üzvləri, həmçinin VTB Qrupunun nümayəndələri iştirak ediblər.
Rusiyanın Bank VTB ASC-nin böyük vitse-prezidenti, Törəmə şirkətlər departamentinin rəhbəri Mixail Yakunin: "VTB Bank Azərbaycanda filial şəbəkəsini daha da genişləndirəcək. 2014-cü ilin sonunadək həm Bakıda, həm də regionlarda daha 8 satış nöqtəsi istifadəyə veriləcək və Azərbaycanda biznes fəaliyyətini aktivləşdirəcək. Sevindirici haldır ki, açılış günündə filialda xeyli sayda müştəri var. Bu da bankın məhsullarına əhali tərəfindən yüksək tələbatın göstəricisidir. Hazırda yeni satış nöqtələrimizin gəlirliliyi plan üzrə nəzərdə tutulmuş göstəriciləri xeyli üstələyir"
Qeyd edək ki, Bank VTB (Azərbaycan) ASC Bank VTB ASC-nin törəmə bankıdır. Bank VTB (Azərbaycan) ASC-nin səhmdarları Bank VTB ASC və "AtaHolding" ASC-dir. Bank VTB (Azərbaycan) ASC korporativ biznes, kiçik biznes və fərdi müştərilərə xidmətlər göstərir. Bu gün Bank 7 filial və Baş ofisdə yerləşən Müştəri xidmətləri idarəsi ilə təmsil olunub.
Bütün xəbərlər Facebook səhifəmizdə
USD
EUR
GBP
RUB