Azərbaycan Respublikası Prezidentinin 12 mart 2014-cü il tarixli Sərəncamı ilə təsdiq edilmiş "Azərbaycan Respublikasında 2014-cü ilin "Sənaye ili" elan edilməsi ilə bağlı Tədbirlər Planı"na uyğun olaraq, sənaye müəssisələri ilə aparılan işlərin gücləndirilməsi məqsədi ilə İqtisadiyyat və Sənaye Nazirliyində sənaye müəssisələrinin nümayəndələrinin iştirakı ilə 8 işçi qrup yaradılıb. SİA-nın məlumatına görə, bu sahələr yüngül, ağac emalı və mebel istehsalı, kimya və əczaçılıq, aqrar, kompüter və elektron avadanlıq, metallurgiya, maşın və avadanlıq istehsalı, tikinti-inşaat materialları sənayesi sahələridir.
Sahə işçi qruplarının yaradılmasında əsas məqsəd müvafiq sahə üzrə mövcud vəziyyəti və tendensiyaları müzakirə etmək, həmin sahənin inkişafı ilə bağlı təkliflər hazırlamaq, müəssisələrarası əməkdaşlığı təşviq etməkdən ibarətdir.
İqtisadiyyat və Sənaye Nazirliyində yüngül və ağac emalı və mebel sənayesi üzrə isə işçi qrupların ilk iclasları keçirilib. İclaslarda bu sahələrdə fəaliyyət göstərən 20-dən çox şirkət iştirak edib.
Qeyd edək ki, iclaslarda ixracı imkanları, rəqabət qabiliyyətinin artırılması, markalanmanın təşviqi müzakirə olunmuş və növbəti iclasların keçirilməsi vaxtınadək istehsalçılardan təkliflərin qəbul edilməsi və bu təkliflərin öyrənilməsi qərara alınıb.
Bütün xəbərlər Facebook səhifəmizdə
USD
EUR
GBP
RUB