Bu ayın əvvəlindən etibarən Alternativ və Bərpa Olunan Enerji Mənbələri üzrə Dövlət Agentliyinin sifarişi ilə Bakının Suraxanı rayonunda yeni "Suraxanı" Günəş Elektrik Stansiyasının inşasına başlanılıb. Agentlikdən SİA-ya verilən xəbərə görə, stansiyanın tikintisi üçün 6 hektar ərazi ayrılıb. Məlumata görə, hazırda stansiyanın 1,5 meqavat gücə malik ilkin mərhələsinin tikintisi reallaşdırılır. Layihənin podratçı şirkəti olan "Xəzər" Gənclər Elmi-Texniki Yaradıcılıq Mərkəzinin 80 nəfərlik işçi qüvvəsinin çalışdığı ərazidə tikinti işləri sürətlə aparılır. Layihənin ilkin mərhələsinin may ayında istifadəyə verilməsi nəzərdə tutulub.
Ümumi gücü 2,8 meqavat olacaq günəş elektrik stansiyasının tam istifadəyə verilməsi isə ilin sonuna planlaşdırılıb. Bundan sonra bu günəş elektrik stansiyasında istehsal olunacaq enerji "Bakelektrikşəbəkə" Açıq Səhmdar Cəmiyyətinin şəbəkəsinə qoşulacaq. Hazırda inşası üçün 6 hektar ərazi ayrılmış stansiyanın ilkin mərhələsinin tamamlanması istiqamətində işlər intensiv şəkildə həyata keçirilir.
İlkin mərhələdə 1,2 meqavat gücə malik stansiya istifadəyə veriləcək. Artıq stansiyada günəş panellərinin 30-40 faizi quraşdırılıb. Bu mərhələdə 4 min günəş panelinin quraşdırılması nəzərdə tutulub. Ərazidə "Xəzər" Gənclər Elmi-Texniki Yaradıcılıq Mərkəzinin 80 nəfərlik işçi qüvvəsi çalışır. Günəş elektrik stansiyasının ilkin mərhələsinin inşasının may ayında tamamlanması planlaşdırılmışdır. İlin sonunda isə stansiyanın tam istifadəyə verilməsi planlaşdırılır. Həmin günəş elektrik stansiyası Pirallahı adasında ilk stansiya olacaq. Bu da rayonun enerji təchizatının etibarlılığının təmin olunmasına öz müsbət təsirini göstərəcək.
Hər iki günəş elektrik stansiyasının inşasında Alternativ və Bərpa Olunan Enerji Mənbələri üzrə Dövlət Agentliyi tərəfindən Sumqayıt şəhərində inşa edilən "Azgüntex" Məhdud Məsuliyyətli Cəmiyyətində istehsal olunmuş günəş panellərindən istifadə edilir. Gələcəkdə Alternativ və Bərpa Olunan Enerji Mənbələri üzrə Dövlət Agentliyi tərəfindən Sumqayıt şəhərində, Abşeron, Siyəzən və Qobustan rayonlarında alternativ enerji mənbələri hesabına yeni stansiyaların inşası nəzərdə tutulub. Artıq Qobustan rayonunda da yeni günəş elektrik stansiyasının tikintisinə başlanılıb.
Bütün xəbərlər Facebook səhifəmizdə
USD
EUR
GBP
RUB