Azərbaycan Respublikası Dövlət Neft Şirkətinin "Azəriqaz" İstehsalat Birliyi tərəfindən istehlakçıların fasiləsiz və keyfiyyətli təbii qazla təchiz edilməsi, eləcə də abonent bazasının daha da genişləndirilməsi istiqamətində görülən işlərin nəticəsi olaraq, 2013-cü il noyabr 1-ə olan məlumata görə ölkə üzrə təbii qazla təmin edilən abonentlərin sayı 1 603 258-ə çatıb. ARDNŞ-nin mətbuat xidmətindən SİA-ya verilən məlumata görə, onların 1 584 076-sı əhali, 19 182-i isə qeyri-əhali sektoruna aiddir. Abonentlərin 688 675-i Bakı şəhəri (678 783 əhali, 9 892 qeyri-əhali), 914 583-ü isə regionların (905 293 əhali, 9 290 qeyri-əhali) payına düşür.
Cari ilin noyabrın 1-ə olan məlumata görə, əhali abonentlərinin mənzillərində 803 min ədəd "smart-kart" tipli sayğac quraşdırılıb.
Qeyd edək ki, bu ilin yanvarın 1-ə olan məlumata görə, bu rəqəm 594 min həddində idi.
Bütün xəbərlər Facebook səhifəmizdə
USD
EUR
GBP
RUB