İcazəverici sənədlər və onların alınması prosedurları barədə ölkə vətəndaşlarının, eləcə də sahibkarların məlumatlılıq səviyyəsinin yüksəldilməsi məqsədilə İqtisadi İnkişaf Nazirliyi tərəfindən yaradılmış www.icazeler.gov.az portalını mart ayında 11000-ə yaxın internet istifadəçisi ziyarət edib. Nazirlikdən SİA-ya verilən məlumata görə, internet istifadəçilərinin 130-dan çoxu Almaniya, Türkiyə, ABŞ, Rusiya, Tailand, Böyük Britaniya, İran, Lüksemburq, İsveç, Ukrayna, Çexiya, Rumıniya, Sloveniya, Mərakeş, Polşa, Gürcüstan, Qətər, İsveçrə, Çin və Finlandiyadan olmuşdur. Ay ərzində ölkə xaricindən daxil olmuş müraciətlər arasında Asiya ölkələri üstünlük təşkil edib. Ümumilikdə, indiyədək portalın fəaliyyətindən 117 mindən çox internet istifadəçisi yararlanıb.
Məlumat üçün bildirək ki, sahibkarların məlumatlılıq səviyyəsini artırmaq, qanunvericilik aktlarının hazırlanması prosesində onların yaxından iştirakını təmin etmək məqsədilə mərkəzi icra hakimiyyəti orqanlarının qanunvericilik aktlarının layihələri də icazələrin elektron informasiya portalında yerləşdirilir. Ümumilikdə isə, 111 qanunvericilik aktının layihəsinin icazələrin elektron informasiya portalında yerləşdirilməsi təmin edilib.
Bütün xəbərlər Facebook səhifəmizdə
USD
EUR
GBP
RUB